2008年9月8日 星期一

第一次入醫院

咁大個女, 第一次入醫院.

7月22日晚入院, 住到7月31日.

點解要入醫院? 故事好簡單: 就是我跌了一交, 弄傷了膝蓋... 哈哈! (原來整親咁容易~!)


原本諗住無乜事, 都係睇下西醫, 食消炎止痛藥.

點知過左一段時候還是痛, 於是轉介了去骨科專科.

專科果然係專科... 醫生好快斷了症, 很大機會是十字韌帶斷左. 於是立即安排去做MRI磁力共振.


不出醫生所料, 十字韌帶斷左, 半月板都有事喎~ 所以要做手術重建.

雖然要做手術, 一點也沒有 "驚" 的感覺. 只是覺得好 "新奇".


22號晚上入了浸會醫院, 好開心! 因為可以住二等房...
這個實在要多謝公司, 是姑娘幫我安排入院時才知道, 原來我根據公司資料, 我可以住二等房呢!

房間只有兩個人, 而且是D座, 是浸會較新的大樓, 只開了數個月.感覺很舒服~!


由零晨12點開始要戒口, 除了不可吃東西, 水都唔可以飲. 姑娘話, 如果口乾就只可以濕下個口.

23號一早10點, 姑娘就來推我入手術室.

正當準備得七七八八的時候, 姑娘問了一句: 有沒有搽甲油?

原來是不可以搽甲油的, 因為醫生要睇指甲的顏色, 看血液循環有沒有問題.

於是又忙於抺掉甲油.


躺在床上, 姑娘推了我出病房. 覺得好攪笑, 有種"任人魚肉" 的感覺.

完全沒有方向感, 不知道知己在哪裡. 只知道中途坐(瞓)了升降機, 行左數條長走廊.

之後入了手術室範圍. 好似泊車咁俾人泊埋左一邊.

不停有姑娘護士問我: 你知唔知要做乜野手術呀? 邊隻腳呀? 邊隻係左腳呀?


終於入了手術室. 見到醫生和麻醉師. 見到好光既手術燈.

當時我在想什麼?

腦海裡在想:

嘩! 平時只可以睇戲才見到手術室, 今日親眼見到呀!
同做戲見到一樣! 哈哈!!

還有, 手術燈好靚呀!


好快, 麻醉師就同我打針, 我仲記得我是望住麻醉師打針的.

轉眼已經有氧氣罩給我, 只聽見: 氧氣來的, 深呼吸幾下啦!

吸了一下, 在想, d 氧氣咁既味既...?
吸了第二下, 在想, 好想同醫生講d 氧氣好似有d 味...
吸了第三下, 開始無乜野諗...
吸了第四下, 就完全失去了知覺...


"手術做完喇!" 姑娘說, 很模糊...

"依家同你過床呀"... 好累...

隱約知道回到病房, 過了床. 當時大約是下午1:30.

只覺得好累, 好凍...

一點也不能動, 有的力氣就只可以跟我妹妹和姑娘說: "好凍... 好凍..."

於是她們幫我加了兩張毯, 這個也是後來醒了才知道原來自己盍了三張被.


不知睡了多久, 比較清醒時看到的, 就是這個樣子...


呢個有摺的東西(好似平時用來幫汽球打汽的東東), 姑娘叫佢做"寶盒"; 是用來儲起引導出來的血.

這個"寶盒"就陪了我兩天有多... 每隔幾小時就有護士來收集血液.


見到呢d 血, 是由膝關節裡面流出來的.

條導管, 是由大腿插到膝頭裡面, 很恐怖吧?

這也是後來才知道, 為何連大腿也會痛.
無論隻腳點放, 都會唔舒服, 都會痛.



待續...

4 則留言:

Unknown 提到...

我睇D文字已經覺得好痛... 你竟然可以抱住新奇的心情去入院... 不過, 公司福利真好, 2個人一間房...

四葉草天堂 White Clover Paradise ~ 小魚~* 提到...

又真係幾痛... 公司褔利真係唔錯.
如果上年入我都住大房呢.
好彩係今年整親! 呵呵!

匿名 提到...

Sandy, 保重身體
健康最緊要
你的十字X帶會復完的嗎?

四葉草天堂 White Clover Paradise ~ 小魚~* 提到...

手術其實是要從大腿取了另外一些筋,
重建原來的十字韌帶.

因為十字韌帶是不會自行癒合的.
不像骨骼或肌肉.

我的十字韌帶可以說是 "新造" 的.
約9個月至1年後會完全正常, 可以做運動!
yeah!

謝謝您的關心哩! =)